BE.208 Logu no.180
ALE DONGAN NA SAROHA

Ayat 1
Ale dongan na tarhurung Di bagasan dosa i
Hangoluan na sumurung Sibaritahononki
Dipapatar Debatanta Asi ni rohaNa i
Ai disuru do AnakNa Baen hangoluanta i

Ayat 2
Pangondian do AnakNa Naung ro tu portibi on
Paluahon sian dosa Hita na marjea on
Jesus Kristus i do goar Ni pangondinganta i
Ai Ibana do manggarar Utang ni pardosa i.

Ayat 3
Jesus Kristus do manogu Au tu hasonangan i
Diarahon do tondingku Tu hasangaponNa i
Asa unang be marlea Au na bojok roha on
Jala dao sudena jea Na mangago rohangkon.

Ayat 4
Ia ro pe hamatean Jesus mangapuli au
Di na songgop paruhuman Jesus mangondihon au
Aha be habiaranku ? Jesus do haposanki
Ala ni sai pujioku Holong ni rohaNa i.
